Naxçıvan Muxtar Respublikası Səfərəbərlik və Hərbi Xidmətə Çağırış üzrə Dövlət Xidmətinin Culfa Rayon Şöbəsinin, Culfa Rayon Gənclər və İdman İdarəsinin və Culfa Rayon Təhsil Şöbəsinin təşkilatçılığı Culfa rayon məktəbliləri arasında "Vətənin müdafiəsinə hazıram " poliatlon çoxnövçülüyü üzrə rayon birinciliyi keçirilmişdir. Naxçıvan Muxtar Respublikası Səfərəbərlik və Hərbi Xidmətə Çağırış üzrə Dövlət Xidmətinin Culfa Rayon Şöbəsinin zabiti Karvan Məmmədov, Culfa Rayon Gənclər və İdman İdarəsinin rəisi İsmayıl İmanov və Culfa Rayon Uşaq Gənclər İdman Məktəbinin əməkdaşı Abdulla Məhərrəmov çıxışlar edərək diqqətə çatdırıblar ki, yeniyetmələr arasında ənənə halını alan çoxnövçülük idman yarışlarının onların hərbi vətənpərvərlik duyğularının artmasında əhəmiyyəti yüksəkdir. Mübarizə aparan şagirdlərə uğurlar arzulandıqdan sonra oyuna start verilib.
Poliatlon çoxnövçülüyü proqramı üzrə yarışlar 100 metr məsafəyə qaçış, 2000 metr məsafəyə kross qaçışı, turnikdə dartınma və qumbara atma növləri üzrə keçirilib.Yekun nəticələrə görə 1-ci yerə Bənəniyar kənd tam orta məktəbin, 2-ci yerə Xoşkeşin kənd tam orta məktəbin, 3-cü yerə isə Culfa şəhər 3 nömrəli tam orta məktəbin komandası layiq görülüb.