Şərur rayon İcra Hakimiyyətində Vətən Müharibəsi şəhidlərinin ailələrinə, Vətən Müharibəsində iştirak etmiş qazilərə medalların təqdim olunma mərasimi keçirilmişdir. Şərur rayon İcra Hakimiyyətinin başçısı Kamal Cəfərov tədbiri giriş sözü ilə açmış, şəhidlərin əziz xatirəsi bir dəqiqəlik sükutla yad edilmişdir. Kamal Cəfərov qeyd etmişdir ki, Azərbaycan Ordusu Ali Baş Komandanımızın rəhbərliyi altında doğma torpaqlara qovuşmaq üçün peşəkarlıq nümayiş etdirdi, düşmənə sarsıdıcı zərbələr vuraraq tarixi ədaləti bərpa etdi. Ərazilərimizin düşmən tapdağından azad olunmasında öz canlarını, qanlarını əsirgəməyən şəhidlər, qazilər və müharibə iştirakçıları orden və medallarla təltif olunmuş, onlara həmişə dövlət qayğısı göstərilmiş və göstərilməkdədir. Bu gün şəhid ailələrinə, müharibə əlillərinə və müharibə iştirakçılarına təqdim olunan “Xocavəndin azad olunmasına görə” medalları da bu təltiflərin bir hissəsi və davamıdır.
Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Şərur Rayon İdarəsinin rəisi polkovnik-leytenant Həsən Məmmədov çıxış edərək bildirmişdir Kİ, haqq savaşımızda Azərbaycanın bütün bölgələri kimi Şərur rayonunun oğulları da düşünmədən, gözünü qırpmadan bu savaşa qatıldılar. Onlarla igid həmyerlimiz şəhid, qazi adlarını qazandılar. Həmin Vətən övladları bu müqəddəs savaşın qəhrəmanlarıdır. Bu qəhrəmanları həmişə dərin hörmətlə yad edir, xatirələrini əziz tuturuq.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan həmvətənlərimiz qarşıya qoyulmuş tapşırıqların icrası zamanı vəzifə borclarını şərəflə yerinə yetirdiklərinə, döyüşlərdə igidlik və qəhrəmanlıq göstərdiklərinə görə Azərbaycan Respublikasının Prezidenti Cənab İlham Əliyevin Sərəncamına əsasən medallarla təltif ediliblər. Sərəncama uyğun olaraq şəhid əsgər Babayev Babaxan Əlövsət oğlu, şəhid əsgər Cəlilov Həsən Məhərrəm oğlu, şəhid əsgər Cəlilov Sahil Oktay oğlu, müharibə iştirakçısı leytenant Əhmədov Elsevər Yadigar oğlu, şəhid əsgər Əhmədov Mərhəmət Adil oğlu, müharibə iştirakçısı əsgər Ələsgərov Azad Qabil oğlu, müharibə iştirakçısı əsgər Ələsgərov Məcid Azər oğlu, müharibə iştirakçısı əsgər Əliyev Asim Ramiz oğlu, müharibə iştirakçısı əsgər Əliyev Hüseyn Əhməd oğlu, şəhid əsgər Əliyev Lətif Oruc oğlu, müharibə iştirakçısı əsgər Fərzəliyev Cavid Səməd oğlu, şəhid kiçik çavuş Xəlilli Murad Vəli oğlu, müharibə iştirakçısı əsgər İbrahimov Kamran Tahir oğlu, şəhid çavuş İbrahimov Ruzi Əliağa oğlu, müharibə iştirakçısı baç gizir İsmayılov Hatəm Adəm oğlu, şəhid leytenant Qənbərli Elton Baba oğlu, müharibə əlili əsgər Quliyev Zahid Vahid oğlu, şəhid əsgər Mədətli Zülal Rəhim oğlu, müharibə əlili əsgər Məhərrəmov Cahandar Məhərrəm oğlu, müharibə iştirakçısı əsgər Məmiyev Nicat Rəhman oğlu, müharibə əlili baş gizir Məmmədov Amil Ədalət oğlu, şəhid leytenant Məmmədov Ayxan Rəfail oğlu, şəhid əsgər Məmmədov Əli Abbas oğlu, müharibə əlili əsgər Məmmədov Fərdi Taleh oğlu, müharibə əlili əsgər Məmmədov Ramal Salman oğlu, müharibə iştirakçısı əsgər Məmmədov Seymur Oruc oğlu, müharibə iştirakçısı əsgər Nəcəfov Ruslan Vahid oğlu, şəhid əsgər Novruzlu Pərviz Qorxmaz oğlu, müharibə iştirakçısı əsgər Novruzov Rahim Ruhən oğlu, müharibə iştirakçısı əsgər Rəhimov Taleh Valeh oğlu, müharibə əlili əsgər Salmanov Oruc İsfəndiyar oğlu, müharibə iştirakçısı əsgər Vəliyev Cəfər Yamiddin oğlu, şəhid leytenant Yusifov Əli Suləddin oğlu, müharibə əlili əsgər Zamanov İlham Bəhlül oğlu və müharibə iştirakçısı əsgər Zeynallı Sarvan Bayram oğlu “Xocavəndin azad olunmasına görə” medalları ilə təltif olunublar.
Şəhid Əli Yusifovun atası Suləddin Yusifov və başqa tədbir iştirakçıları tədbirin təşkil olunmasına, onlara göstərilən diqqət və qayğıya görə təşəkkürlərini bildirmişlər.
Vətən Müharibəsi şəhidlərinin ailələrinə, Vətən Müharibəsində iştirak etmiş müharibə əlillərinə və müharibə iştirakçılarına medallar təqdim olunduqdan sonra tədbir iştirakçıları ilə xatirə şəkili çəkilmişdir.
