"2021-2022-ci tədris ilində hərbi vətənpərvərlik tərbiyəsinin təşkili və hərbi idman oyunlarının keçirilməsi üçün hərbi hissələrlə qarşılıqlı əlaqələr” planına uyğun olaraq Sədərək rayonunun məktəbliləri Əlahiddə Ümumqoşun Ordunun təlim mərkəzlərindəki praktiki məşğələlərdə iştirak ediblər.
Əlahiddə Ümumqoşun Ordunun, Naxçıvan Muxtar Resopublikası Səfərbərlik və Hərbi Xidmətə Çağırış üzrə Dövlət Xidmətinin Sədərək Rayon Şöbəsinin və Təhsil Şöbəsinin birgə təşkilatçılığı ilə keçirilən məşğələlərdə məktəblilərin hərbi vətənpərvərlik ruhunda tərbiyəsinin və onların hərbi biliklərinin artırılmasının əhəmiyyətindən danışılıb, təhlükəsizlik qaydaları diqqətə çatdırılıb.
65 nəfər şagirdin iştirak etdiyi məşğələlərdə müxtəlif atıcı silahların, snayper tüfənglərinin, əl qumbaralarının taktiki-texniki xüsusiyyətləri haqqında, eləcə də tibbi hazırlıqdan şagirdlərə ətraflı məlumat verilib, onları maraqlandıran suallar cavablandırılıb. Məktəblilər atıcı silahların hissə və mexanizmləri, natamam sökülüb-yığılması haqqında geniş məlumat aldıqdan sonra avtomatdan praktiki atışları yerinə yetiriblər.