Səfərbərlik və Hərbi Xidmətə Çağırış üzrə Dövlət Xidmətinin Ordubad Rayon Şöbəsinin təşəbbüsü ilə Ordubad rayon 1 nömrəli tam orta məktəbin şagirdləri şəhid Tural Haşımlının şəhadətə yüksəldiyi günün ildönümündə şəhidin məzanını ziyarət ediblər.
Tural Əbdül oğlu Haşımlı 27 dekabr 1988-ci il Ordubad rayonunun Dırnıs kəndində anadan olub. Azərbaycan Silahlı Qüvvələrinin baş leytenantı, 2017-ci ildə Azərbaycan-Ermənistan təmas xəttində ermənilərin təxribatının qarşısını alan zaman şəhid olub.
Tural Haşımlı ölümündən sonra göstərdiyi qəhrəmanlığa görə "Şücaətə görə" medalı ilə təltif edilib.