Aprelin 25-də Şahbuz Rayon Mərkəzi Stadionunda "Vətənin Müdafiəsinə Hazıram" poliatlon çoxnövçülüyü üzrə rayon birinciliyi keçirilib. Səfərbərlik və Hərbi Xidmətə Çağırış üzrə Dövlət Xidmətinin Naxçıvan Muxtar Respublikası üzrə baş idarəsinin Şahbuz rayon bölməsinin, Gənclər və İdman idarəsinin və Təhsil Şöbəsinin birgə təşkilatçılığı ilə keçirilən idman oyunlarında 10 komandadan ümumilikdə 50 məktəbli poliatlon çoxnövçülük proqramına uyğun olaraq 100 və 2000 metr məsafəyə qaçış, qumbaraatma, turnikdə dartınma növləri üzrə yarışıblar.
Yekun nəticələrə əsasən, Şahbuz Şəhər 1 nömrəli tam orta məktəbin komandası I, Külüs kənd tam orta məktəbin komandası ll, Biçənək kənd tam orta məktəbin komandası lll yerə layiq görülüblər.
Yer tutan komandalara təşkilatçılar tərəfindən kubok və diplomlar təqdim olunub.
