Naxçıvan Əlahiddə Ümumqoşun Ordusunun, Səfərbərlik və Hərbi Xidmətə Çağırış üzrə Dövlət Xidmətinin Culfa Rayon Şöbəsinin, Culfa Rayon Gənclər İdman İdarəsinin və Təhsil Şöbəsinin birgə təşkilatçılığı ilə “N” saylı hərbi hissədə Culfa rayon məktəblərinin komandaları arasında “Şahin” hərbi idman oyunları keçirilmişdir. Oyunlar başlamazdan əvvəl şagirdlərə qaydalar izah olunub.
Oyunlarda 7 komanda olmaqla 100 nəfərə yaxın şagird mübarizə aparıb. Oyunlar sıra hazırlığı, avtomatın sökülüb yığılması, darağın doldurulub boşaldılması, fiziki hazırlıq, turnikdə dartınma, 50 metr qum kisəsi ilə qaçış, yaralının zəhərli zonadan çıxarılması, yaralıya ilkin tibbi yardımın göstərilməsi, maneələrin keçilməsi, intellektual müsahibə mərhələləri üzrə keçirilib.
Yekun nəticələrə görə Bənəniyar kənd tam orta məktəbin komandası 1-ci yerdə Ərəzin kənd tam orta məktəbin komandası 2-ci yerdə, Saltaq kənd tam orta məktəbin komandası 3-cü yerdə qərarlaşıb.
Sonda qalib komandalar təşkilatçıların diplom, fəxri fərman və kubokları ilə mükafatlandırılıblar.
