Böyüməkdə olan gənc nəslin hərbi-vətənpərvərlik tərbiyəsinə diqqəti daha da artırmaq, məktəbliləri hərbi idman oyunlarına cəlb etməklə onların ordu sıralarında xidmətə hazırlanmasına kömək göstərmək məqsədilə təşkil olunan “Şahin” hərbi idman oyunlarının rayon mərhələsi davam edir.
Kəngərli rayon məktəblərinin komandaları birincilik uğrunda mübarizə aparıblar.
İştirak edən komandalar sıra hazırlığı, fiziki hazırlıq, maneələrin dəf olunması, mülki-müdafiə hazırlığı və digər mərhələlər üzrə tapşırıqları icra ediblər.
Kəngərli rayon məktəblərindən 56 şagirdin mübarizə apardığı oyunlarda Kəngərli rayon Xök kənd tam orta məktəbi 1-ci yerin, Qıvraq qəsəbə tam orta məktəb 2-ci yerin, Qarabağlar kənd 1 nömrəli tam orta məktəb isə 3-cü yerin qalibi olmuşdur.
Sonda qalib komandalar təşkilatçıların diplom, fəxri fərman və kubokları ilə mükafatlandırılılmışlar.
