Aprelin 20-də Səfərbərlik və Hərbi Xidmətə Çağırış üzrə Dövlət Xidmətinin Naxçıvan Muxtar Respublikası üzrə baş idarəsinin Sədərək Rayon bölməsi və Sədərək Rayon Təhsil Şöbəsinin birgə təşkilatçılığı ilə “Heydər Əliyev İli” çərçivəsində “Ümummilli lider Heydər Əliyev dahi şəxsiyyətdir” mövzusunda Sədərək rayon ümumtəhsil məktəblərinin IX - XI sinif şagirdləri arasında inşa yazı müsabiqəsi keçirilmişdir.
Münsiflər heyətinin yekun qərarlarına əsasən 30-a yaxın şagirdin iştirak etdiyi müsabiqədə I yerə Dəmirçi kənd tam orta məktəbinin IX sinif şagirdi Müjdə Pənahova, Sədərək kənd 1 nömrəli tam orta məktəbin X sinif şagirdi Fidan Əhmədli və III yerə isə Qaraağac kənd tam orta məktəbin X sinif şagirdi Elcan Əliyev layiq görülmüşdür.
Yekunda yer tutan şagirdlərə təşkilatçıların fəxri fərmanları, diplomları və qiymətli hədiyələri təqdim edilib, xatirə şəkli çəkilib.
