28 dekabr 2022-ci il tarixdə Səfərbərlik və Hərbi Xidmətə Çağırış üzrə Dövlət Xidmətinin Sədərək Rayon Şöbəsinin və Sədərək Rayon Gənclər və İdman İdarəsinin birgə təşkilatçılığı ilə Sədərək rayon Dəmirçi kənd tam orta məktəbinin idman zalında Vətən müharibəsi şəhidi Gözəlov Rüfət Əzim oğlunun əziz xatirəsinə həsr olunmuş voleybol üzrə birincilik keçirilib. Yarışdan əvvəl şəhidlərimizin əziz xatirəsi bir dəqiqəlik sükutla yad edilib.
Şəhidin qardaşı Gözəlov Nihad qardaşı ilə bağlı xatirələrini bölüşüb, yarışın təşkilatçılığına görə təşəkkürünü bildirib.
Tədbirdə 3 komanda iştirak edib. Nəticələrə əsasən 1 saylı tam orta məktəbin komandası qalib adını qazanıb. Dəmirçi kənd tam orta məktəbin komandası yarışı ikinci, 2 saylı tam orta məktəbin komandası üçüncü yerdə tamamlayıb.Qalib komandaya kubok təqdim olunub. Komandaların üzvləri diplom və medallarla təltif edilib.
