Sədərək və Şərur rayon komandaları arasında 23 fevral 2023-ci il tarixdə Sədərək rayon 1 saylı tam orta məktəbində şəhidlərimiz Sadıqlı Məmmədhəsən Meydan oglu və Heydərov Əli Vaqif oğlunun əziz xatirəsinə həsr edilmiş boks üzrə birincilik keçirilib.Tədbirin açılış mərasimində şəhidlərimizin əziz xatirəsi 1 dəqiqəlik sükutla yad edilib, çıxış edənlər idmançılara yarış haqqında məlumat verib və uğurlar arzu ediblər.
Yarışın yekun nəticəsinə görə 27 kq çəki dərəcəsində Məmmədov Əli, 30 kq çəki dərəcəsində Məmmədzadə Ayaz, 37 kq çəki dərəcəsində İsmayılov Fariz , 46 kq çəki dərəcəsində Qazıyev Umud, 48 kq çəki dərəcəsində Hüseynli Talıb,52 kq çəki dərəcəsində Zamanlı Elcan, 56 kq çəki dərəcəsində Səfərov Ruhin,64 kq çəki dərəcəsində Məmmədzadə Mahir bütün rəqiblərinə qalib gələrək I yerin sahibi olublar. Sonda müxtəlif çəki dərəcələri üzrə qaliblərə təşkilatçılar tərəfindən diplomlar təqdim edilib.
Qeyd edək ki yarışda 40 idmançı iştirak edib.
