Torpaqlarımızın işğaldan azad olunması uğrunda aparılan hərbi əməliyyatlarda igidlik və şücaət göstərmiş, vəzifə borcunu ləyaqətlə, vicdanla və döyüş tapşırıqlarını uğurla yerinə yetirən Vətən müharibəsi iştirakçılarına və qazilərə "Vətən müharibəsi iştirakçısı" medalının təqdimetmə mərasimi keçirilib. Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Babək Rayon İdarəsində keçirilən tədbirdə Vətən müharibəsində qəhrəmanlıq göstərmiş baş gizir Məmmədov Vidadi Ələkbər oğluna, çavuş Məmmədov Rəhman Nazim oğluna, əsgər Məmmədov Kənan Nəcəf oğluna “Vətən müharibəsi iştirakçısı” medalı təqdim olunub. Əsgər Məmmədov Sahil Tağı oğlunun və İsmayılov İntiqam Oktay oğlunun medalları isə ailə üzvlərinə təqdim olunub.
Vətən müharibəsi iştirakçıları onlara göstərilən dövlət qayğısına görə minnətdarlıqlarını bildiriblər.
