Vətən müharibəsində qəhrəmancasına şəhid olmuş Azərbaycan Silahlı Qüvvələrinin hərbi qulluqçusu Şəhid Babaxan Babayevin anım günü keçirilib.
Şərur Rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin Şərur Rayon İdarəsinin kollektivi,qazilər və şəhid ailələri Şəhidlər xiyabanında şəhidin məzarını ziyarət edib, ruhuna dualar oxuyublar.
Şəhid Babaxan Babayev 1996-cı il 10 fevral tarixində Şərur rayonunun Aşağı Yaycı kəndində anadan olub. Vətən müharibəsi zamanı Füzulinin azaldığı uğrunda gedən döyüşlərdə şəhidlik zirvəsinə ucalıb.
Şəhidimiz Azərbaycan Respublikası Prezidentinin müvafiq Sərəncamları ilə "Vətən uğrunda"(ölümündən sonra), "Şuşanın azad olunmasına görə", "Hərbi xidmətlərə görə", "Xocavəndin azad olunmasına görə" medalları və 3-cü dərəcəli "Vətənə xidmətə görə" ordeni ilə təltif olunub.