Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Sədərək rayon şöbəsi və Təhsil şöbəsinin birgə təşkilatçılığı ilə Sədərək rayon ümumtəhsil məktəblərinin şagirdləri Xocalı soyqırımı ilə bağlı Sədərək rayon Tarix Diyarşünaslıq Muzeyini ziyarət ediblər.
İlk öncə Xocalıda qətlə yetirilmiş soydaşlarımızın əziz xatirəsi bir dəqiqəlik sükutla yad edilib. Daha sonra şagirdlərə XX əsrin ən dəhşətli və qəddar faciələrindən biri olan Xocalı faciəsi və ermənilərin törətdikləri vəhşiliklərlə bağlı ətraflı məlumatlar verilib, onların sualları cavablandırılmışdır. Sonda şagirdlər Xocalı faciəsi ilə əlaqədar düzəldilmiş guşələrin önündən keçiblər.
